Første bilda var frå sommaravslutninga på Ytterli hos Else Rødal. Vi var i gamlehuset på garden og det var litt av ei perle. Mange gamle ting og bilde. Rømmegraut og spekemat smaka også godt.

Elles gjekk vi tur utpå Syltefjellet og ned til klostertomta der. Det var lengre å gå enn vi trudde, men god sti med trappetrinn og tau til å halde seg i. Else var flink til å fortelje det ho visste om klostertomta og planane der. Ein triveleg kveld i fint sommarver.

Full Fres-gruppa har aktivitetar for barn frå 0-7 år og har hatt mange fine stunder saman med foreldra.

Bygda i bevegelse . Her har ein hatt turar i alle årstider.

Nytt prosjekt har vore å få til ein Sansehage på Valldal sjuke- og omsorgsbustad. Vi tok initiativ til dette  og fekk med dei tilsette og fleire lag i planlegging og dugnadsarbeid. Dette første året har vi satsa på å utbetre hagen som er der, plante i krukker og lage nytt staudebed. Elles har vi planta bærbusker, krydderurter, tomatplante og jordbær i pyramide. Vi har også fått til vatning og stell av hagen i løpet av sommaren.

Folkehelseveka har også laget vore med på. Flott inspirasjonskveld med Jorun Erdal frå Stryn. Ho hadde mange strikketips og også sal av klede i alle storleikar.