For det fyrste bør vi ete meir grønsaker av omsyn til helsa vår. Ei ny helseundersøkjing slår fast at 1 av 4 har fedme, og at eit mindretal av den vaksne befolkninga er normalvektige. Å auke inntaket av grønsaker gjev ein enorm helsegevinst. 5 om dagen kan førebygge overvekt, diabetes type 2, hjartesjukdom og nokre former for kreft,

For det andre er det positivt for klimaet å velje norske grønsaker. Norsk grønsaksproduksjon har eit lågt klimaavtrykk. I tillegg har vi gode føresetnader for å dyrke grove grønnsaker som kål, løk og rotgrønsaker i Noreg. Med rett lagring kan dei lagrast i mange månader, og etast året rundt. Ved å velje desse, og andre typer norske grønsaker, kan du bidra til å redusere unødig lange transportetapper fra jord til bord med tilhøyrande klimabelastning.

For det tredje bør du velje norske grønsaker med tanke på Noreg sitt bidrag til det globale matfatet. Vi blir stadig fleire folk i verda, og alle må ha mat. FN sin bærekraftmål seier, blant anna, at vi skal jobbe for betre ernæring og fremme bærekraftig landbruk. Noreg kan bidra ved å produsere mest mogeleg næringsrik, trygg og god mat til eigen befolkning med utgangspunkt i våre naturgjevne føresetnader.

16.oktober er det Verdens matvaredag, og vi i Fyresdal Bygdekvinnelag vil bruke dagen til å feire dei norske grønsakene. Om du, som oss, er oppteken av å ete sunt, norsk og kortreist inviterar vi deg til å vere med, og seie: Ja til norske grønsaker!

Vi står utanfor Spar og Joker på måndag og delar ut grønsaker og oppskrift til ei god og enkel suppe, då er måndagsmiddagen klar.