I morgon kjøyrer traktorar igjennom store deler av Oppland, for å fylgje John Erik Johansen Frå Dønna i Nordland og Jon Lerhol frå Vang i Valdres på deira tur til Oslo. Spør det lokale Bondelaget om tidspunkt viss dykk vil vera med å markere! Spanande tider dette her! Har dykk bilete frå markeringar så send dei gjerne til meg! 

I fjoset hjå meg går lemminga sin gang, berre 7 att no og eg må si eg gler meg til vi er ferdige. Slik er det kvart år, en gler seg til det startar, og til det sluttar. 

Men vi er stolte gardbrukerar, og ynskjer levande bygder, og går på med friskt mot i fleire år framover kjenner eg oss rett! 

Vi har hatt styremøte på Zoom denne gongen og, og dykk finn lenke til referatet nederst på sida her. Vi håpar det let seg gjere og ha fysisk styremøte 15.juni, der vi og loggar oss på for å få med lanseringa av ny logo. 

Eg har Inger Amb som kontaktperson inn mot NBK, og vi, saman med Sanna frå Hedmark og Marit frå Akershus har zoom møte 2.pinsedag, så viss dykk har noko på hjarte som dykk vil at eg tek opp med Inger før neste styremøte så er det berre dykk sender meg eit pip! 

Nesten alle lokallaga ynskjer at OBK støttar mange av dei som vil på Inspirasjonsseminar i November i staden for regionmøtar. Dette tykkjer vi er positivt, for erfaringa seier at dykk kjem SUPER motiverte att frå eit slik seminar. Og sidan det er i vårt distrikt er dette verkeleg ei sjanse eg håpar mange nyttar seg av.

Vi i distriktslaget ligg ikkje på latsida likevel,og eg gler meg til å vise fram eit allsidig program frå oss med både zoom møter, og fysiske treff i løpet av vinteren. Vi ynskjer å vera eit aktiv lag som jobbar for medlemmane våre. Og dykk må berre ta kontakt med oss! 

Les referatet frå styremøtet vårt her!

Mbh Borgny, distriktsleiar OBK